Fornminni í sjónum

Vrak og aðrir lutir við fornfrøðiligum, mentanarligum ella søguligum virði, sum eru eldri enn 100 ár, eru friðað fornminni sambært løgtingslóg nr. 92/2004 um fornlutir í havinum.

Fornlutur í havinum frá fjøru og út til 24 fjórðingar frá grundlinjunum eru ogn landsins. Undantikið hesum er lutur, sum ognarrættur verður prógvaður til. Føroya Fornminnissavn er fakligi myndugleikin og skipar fyri fornfrøðiligum kanningum og øðrum kanningum av fornluti í ogn landsins. Fornminnissavnið kann í serligum føri gera frávik frá ásetingini um 100 ára aldursmark. Í ivamálum ger Fornminnissavnið av, hvat er at meta sum fornlutur.

Tann, ið finnur fornlut í havinum frá fjøru og út til 24 fjórðingar frá grundlinjunum, skal beinanvegin boða Fornminnissavninum frá. Verður fornlutur tikin upp, skal hesin beinanvegin latast Fornminnissavninum.

Løgtingslóg um fornlutir í havinum