Ókeypis atgongd til Tjóðsavnið restina av árinum
Vit eru í jólahýri og bjóðar tær at vitja Tjóðsavnið HEILT ókeypis restina av árinum. Ein góður møguleiki hjá útisetum, ið eru heima í jólafrí, hjá teimum ið ynskja eitt fríkorter frá jólaresinum, eina øðrvísi uppliving um jólini ella teimum, ið aldri hava vitja Tjóðsavnið
Á Tjóðsavninum kanst tú uppliva okkara føstu framsýningar um náttúru, mentan og søgu. Eisini er serframsýningin, Heimið – karmur um handverk og skapandi evni, ið lýsir dagliga yrki í víkingaøld at síggja. Serframsýningin er grundað á lutir frá útgrevstrinum í 1957 ´Heima á Oyrini`í Fuglafirði.
Finn gávuna í savnsbúðini
Í savnsbúðini finnur tú eina rúgvu av serligum minnislutum, jólaprýði, skreytlutum og øðrum, sum tú ikki finnur aðrastaðni. Kanska tú finnur seinastu jólagávuna her.
Opið er:
Hósdagin 20/12 kl. 14-17
Sunnudagin 23/12 kl. 14-17
Hósdagin 27/12 kl. 14-17
Sunnudagin 30/12 kl. 14-17
