Fjørutúraskeið fyri námsfrøðingar (lærarar og pedagogar)
Mynd: Jan Sørensen
Skeiðið er ætlað námsfrøðingum og lærarum, sum kundu hugsað sær at fingið meira at vita fjøruna og lívið í fjøruni.
Skeiðið verður bæði praktiskt og teoretiskt. Gingið verður niðri í fjøruni, har skeiðsluttakararnir sjálvir finna ymiskt av áhuga, sum síðan verður greitt frá av skeiðsleiðaranum. Ætlanin er at gera eina myndafrásøgn av tí, ið verður funnið, sum luttakararnir kunnu hava heim við sær. Skeiðið verður bygt á, at luttakararnir sjálvir avmynda tey ymisku fyribrygdini, sum síðan verða samlað og sett saman í eina myndabók (myndir og frágreiðingar). Dagarnir enda við stuttum práti um tey ymisku dýrini og teir djórabólkar, tey hoyra til.
Evni: Dýr og spor av dýrum, taravøkstur, plantuvøkstur, ymiskt sum skolar upp og um flóð og fjøru.
Luttakaratal: 10
Kostnaður: kr. 1500,-
At hava við: Fartelefon við myndatóli, gummistivlar og hóskandi klæði til at ganga í fjøruni, matpakka til allan dagin.
Nær: 23. og 24. august 2021
Mynd: Jan Sørensen
Dagur 1.
8.00 Vælkomin - kaffi/te og prát um hvussu vit skipa dagin
9.00 Fara oman í fjøruna í Kaldbak
12.00 Matarsteðgur – øll hava sín egna matpakka við
12.30 Fara oman í fjøruna
15.00 Taka samanum, tosa um myndir og gera myndabók
16.00 Heim
Mynd: Jan Sørensen
Dagur 2.
8.00 Kaffi/te og prát um hvussu vit skipa dagin
9.00 Fara oman í fjøruna (Sundalagið)
12.00 Matarsteðgur – øll hava sín egna matpakka við
12.30 Teoretiskt um tað sum er funnið
15.00 Taka samanum, tosa um myndir og gera myndabók
16.00 Heim
Mynd Jan Sørensen
Skeiðshaldari: Jan Sørensen, savnsvørður
Skeiðsstaður: Sjódjóradeildin, Tjóðsavnið, Mjólkarvegur 7 Kaldbak
Tilmelding: Skriva teldupost til savn@savn.fo við upplýsingum um navn á luttakara og møguligt arbeiðspláss í seinasta lagi 1. juli 2021. Ynskist meira kunning, vinarliga vendið tykkum til Jan Sørensen á tlf.: 790572
Sjóhøna
Mynd: Jan Sørensen
Samband
