Lívfrøðingur til plantudeildina á Tjóðsavninum

Written By Solveig Hansen

Tjóðsavnið søkir eftir lívfrøðingi (barsilsavloysara) til plantudeildina at seta í starv 1. mars ella skjótast tilber.

Setanin er 6 mánaðir við møguleika fyri leingjan. Endamálið hjá plantudeildini er at savna og varðveita plantur og aðrar náttúrugripir, umframt at granska í okkara náttúru og miðla hesa vitan, m.a. gjøgnum miðlarnar og í framsýningum Tjóðsavnsins.

Høvuðsuppgávur og ábyrgdarøki

  • Innsavning av náttúrudátum

  • Skipa talgildar dátur

  • Røkja plantusavnið

  • Miðla plantulívið í Føroyum

  • Gransking

  • Luttaka í tvørfakligum verkætlanum

  • Luttaka í altjóða verkætlanum

Krøv til útbúgving og førleikar

  • Hægri útbúgving í lívfrøði

  • Serligan áhuga fyri føroysku náttúruni

  • Serligan áhuga fyri føroyskum plantum og vistfrøði

  • Góð miðlanarevni í skrift og talu

  • Góð samstarvsevni og ert ágrýtin

  • Koyrikort

Lønar- og setanartreytir

Starvið verður sett og lønt sambært sáttmála millum Fíggjarmálaráðið og Akademikarafelagið.

Fleiri upplýsingar

Umsøkjarar kunnu seta seg í samband við Kolbrún í Haraldsstovu, leiðara á plantudeildini, tlf. 340500 ella kolbrun@savn.fo, fyri at fáa meira at vita um starvið.

Freistin at søkja er mánadagin 18. januar 2026

Søk starvið her

Tjóðsavnið er eitt náttúru- og fornminnissavn. Høvuðsuppgávan hjá Tjóðsavninum er at savna inn, skráseta, varðveita og granska og miðla í náttúru- og mentanarvirðum landsins. Savnið skal fremja upplýsing og útbúgving innan mentan og náttúru, so stuðlað verður undir samfelagsmenningini, samstundis sum savnið vegna landið umsitur lóggávu og stuðulsskipanir á økinum. Savnið skal miðla arbeiðið á stovninum gjøgnum útgávur, framsýningar, tiltøk og undirvísing fyri ung og gomul.

Solveig Hansen