Undir gamla gólvinum í Stokkastovuni, hava vit funnið eina ørgrynnu av forvitnisligum lutum. Tað mest forvitnisliga er helst loyniligi kjallarin við vakra steinsetta gólvinum, ið fjaldi seg undir moldini.

Jarðføst fornminni og friðaðir bygningar eru nú eisini at finna sum løg á kortalinum hjá Umhvørvisstovuni www.kortal.fo. Kortløg eru staðsettar dátur, sum kunnu leggjast á eitt bakgrundskort, eitt nú føroyakort. Onnur kortløg eru yvir adressur, matriklar, staðarnøvn o.a.

Í 1500-árunum sigldu mong skip um Atlantshav úr Norðurtýskalandi til Íslands. Flestu teirra fóru úr býunum Hamburg og Bremen, sum báðir vóru sterkir og máttmiklir limir í sonevnda Hansa-handilsfelagsskapinum. Eisini í Føroyum vitjaðu skipini í royndunum at keypa fisk aftur fyri gerandisvørur og matvørur.

Bóklingurin er ein dagføring av bóklinginum, ið Føroya Fornminnissavn og Føroya Fornminnagrunnur góvu út í felag í 1989. Tað er Símun V. Arge, ráðgevi og granskari á Tjóðsavninum, sum hevur skrivað bóklingin.

Limir úr Føroyanevndini hjá Fólkatinginum vitjaðu á Tjóðsavninum í Koltri.