Væleydnað tiltak í Nólsoy um torv- og vátlendisverkætlan
Týsdagin 7. november var alment tiltak í Nólsoy um verkætlanina “Digital Action on Climate Change with Heritage Environments” stytt DACCHE.
Stevnuskrá um at varðveita norðurlendska bátasiðvenju
Norðurlendski stýrisbólkurin fyri UNESCO innskrivingina av bátasiðvenjuni hevur seinasta árið arbeitt við at menna eina stevnuskrá – “Det nordiske klinkbåt charteret 2023”.
Alment tiltak: Týdningurin av torvi fyrr og týdningurin av vátlendum nú
Týsdagin 7. november verður alment tiltak í Nólsoy um verkætlanina “Digital Action on Climate Change with Heritage Environments” stytt DACCHE. Tjóðsavnið stendur fyri føroyska partinum av verkætlanini, ið hevur fingið arbeiðsheitið “Týdningurin av torvi fyrr og týdningurin av vátlendum nú”. Millum føroysku samstarvspartarnar eru Nólsoyar fornminnissavn og Junkarshagi.
Skráin Livandi mentan - Føstulávintshald í Sumba
Í Sumba verður føstulávint hátíðarhildin á heilt serstakan hátt. Føstulávintshaldið er altíð leygardagin fyri føstulávintsmánadag. Dagurin byrjar við, at kommunan skipar fyri morgunmati í skúlanum. Á middegi møta tey, sum skulu sláa tunnu, í dansistovuni í búnum - hvíta skjúrtu, flagglitt silkiband og rósu, kaskett og myrkar buksur. Øll velja eitt nummar, sum ásetur eina ávísa raðfylgju undir tunnusláingini, og síðani verður marsjerað oman til tunnurnar í røttu raðfylgjuni. Menn og kvinnur sláa hvør sær, og øll hava sín egna flagglitta kepp at sláa við.
Um kvøldið er borðhald við lokalum skemti, felagssangi og dansi.
Norðurlendsk bátaráðstevna í Danmark
Norðurlendsk bátaráðstevna var í døgunum 21.-22. september í Roskilde og í Holbæk. Roskilde Vikingeskibsmuseum og Kystliv Holbæk vóru vertir.
Fyrilestur: Siðvenjur í sambandi við grind í Karibia og í Føroyum
Tjóðsavnið skipar fyri almennum fyrilestri við amerikanska granskaranum Russell Fielding um mentan og siðvenjur í sambandi við grind í karibiska St. Vincent & Grenadines og í Føroyum.
Serframsýningin "Í SKUGGANUM" letur upp Mentanarnáttina
Serframsýningin Í skugganum sigur søguna um fyrstu kvinnuligu fotografarnar úr Danmark, Íslandi og Føroyum. Tað er fyrstu ferð, níggju útvaldar kvinnur verða navnkendar á felags fotoframsýning í Norðurlondum. Kvinnurnar arbeiddu sum sjálvstøðugir fotografar ymisk tíðarskeið frá 1872 til 1925. Framsýningin vísir á flogið og sjónarringin, sum fyrstu kvinnuligu fotografarnir høvdu, tá ið tær fingust við pallsetan, skjalfestan, tað estetiska og tað tøkniliga.
Fyrilestur: nýggj bók um føroyska bátin
Áhugin hjá Morten Gøthche fyri føroyska bátinum byrjaði av álvara í 1975, tá ið hann las til arkitekt og var á námsferð í Føroyum. Hann hevur arbeitt í nógv ár á danska tjóðsavninum og seinni á Víkingaskipasavninum í Roskilde, har hann eisini hevur kannað føroyska bátin. Hann gav bókina “Færøbåden” út í 1985.
Verkstova um ull á Búnaðarstovuni hin 12. mai 2022 kl. 13-16.
Tjóðsavnið og Búnaðarstovan skipa fyri verkstovu um ull
Ull er livandi mentan
Ættarliðini undan okkum tóku alla ullina upp, virkaðu hana og gjørdu pløgg burtur úr henni. Tey góvu okkum ein siðaarv og kunnleikan um ullina og ullarvirking, sum vit kunnu bera víðari.